Comunicaciones

1️⃣2️⃣ Carmen, de Rubiós: Vitalidade e optimismo contaxiosos💜
Carmen xubilouse despois de toda unha vida de traballos e de crianza dos seus nenos. Acostumouse a vivir sola e a conseguir o que necesitaba. Agora vive unha nova xuventude. Desprende vitalidade e reparte bos consellos a quen a quere escoitar: “Desfrutade da vida porque é moi corta e hai que aproveitala”.
Agora di que é “feliz”, está “orgullosa” e defende que “as mulleres somos moito máis importantes do que din, somos moi loitadoras, moi emprendedoras e sempre estivemos un pasiño por diante do que queríamos facer na vida”. Esa idea de liberdade en feminino e de ser “botadas para adiante” é unha constante, na súa vida e no seu pensamento.
É unha muller apaixonada da horta, que traballou de sol a sol e que non cansa de dicir que “as mulleres somos moito máis importantes que os homes, porque hai moitos que son moi cómodos e que cren que con traer cartos é suficiente”.
As mulleres das Neves, somos raíz, somos traballo e construímos futuro🌿✊
#AsNeves #Mulleres #ConcelloAsNeves